У аўторак, 15 лістапада, кіраўнік дзяржавы загадаў спыніць “шалёнае цэнаўтварэнне” на харчы. Былі названыя і тэрміны выканання загаду: лістапад–снежань гэтага года.
“Белсат” запытаўся ў менчукоў, ці вераць яны ў тое, што кошты хутка пойдуць уніз.
“Мы не прызвычаеныя да гэтага (да высокіх коштаў. – “Белсат”), і хоць прэзідэнт і заявіў, што спыніць цэны, але ж эканоміка свае законы дыктуе”, – сказаў сталы мужчына.
“Ня ведаю, усё ад яго залежыць, ён гаспадар нашага стала”, – таямніча зазначыла старэйшая жанчына.
“Цікава, адкуль ён возьме такую нізкую цану? І за кошт чаго будзе яна зніжацца?” – кажа чарговы рэспандэнт.
“Магчыма, можа ў яго гэта і атрымаецца. Будзьма спадзявацца на лепшае”, – аптымістычна трымаецца жанчына сярэдняга веку.
belsat.eu
