Паводле звестак ГУУС, 22 чэрвеня з 19:00 да 20:00 у несанкцыянаванай акцыі ў цэнтры сталіцы ўзялі ўдзел прыкладна 1,5 тыс. чалавек. «Працаўнікамі міліцыі праводзілася актыўная тлумачальная праца наконт парушэння грамадзянамі нормаў адміністратыўнага заканадаўства, на што ўдзельнікі несанкцыянаванай акцыі ніяк не рэагавалі і працягвалі знаходзіцца на месцы збору», – гаворыцца ў справаздачы, размешчанай на старонцы ГУУС Менгарвыканкаму.
Паведамляецца таксама, што затрыманні выпадковых людзей ГУУС расцэньвае як прафілактычныя дзеянні, у ходзе якіх затрымалі каля 200 найбольш актыўных удзельнікаў акцыі, якія былі дастаўленыя ў пастарункі міліцыі. Пасля высвятлення асабовых звестак, большасць затрыманых адпусцілі без складання адміністратыўнага пратаколу.
Учора ў раённых судах Менску адбыліся разгляды адміністратыўных справаў 33 найбольш актыўных удзельнікаў падзеяў. Усіх іх аштрафавалі на суму ад 70 тыс. да 1,05 млн руб. паводле арт. 17.1. («Дробнае хуліганства»).
belsat.eu
