БелТА апублікавала спіс сусветных лідараў і кіраўнікоў міжнародных арганізацыяў, якія павіншавалі з Новым годам Аляксандра Лукашэнку.
Гэтак, яго павіншавалі кіраўнікі шэрагу постсавецкіх краінаў: Расеі, Казахстану, Азербайджану, Арменіі, Таджыкістану, Туркменістану, Узбекістану, Кыргызстану і Грузіі.
Таксама прыйшлі віншаванні ад кіраўнікоў некаторых краінаў Азіі: Кітаю, ААЭ, Індыі, Сірыі, Бахрэйну, Кувейту, Іярданіі, В’етнаму, Палестыны, Філіпінаў і Манголіі.
Апроч таго, Лукашэнку павіншавалі кіраўнікі Руанды і Егіпту. З еўрапейскіх кіраўнікоў віншаванне даслаў толькі прэзідэнт Сербіі.
З кіраўнікоў міжнародных арганізацыяў віншаванні прыйшлі ад постсавецкіх ЕАЭС, АДКБ, СНД, а таксама Міжнароднага валютнага фонду.
МГ, belsat.eu