У Віцебску затрымалі дзяўчыну , якая праз Instagram падманула больш за 180 чалавек. «Прадпрымальніца» ў сеціве змяшчала інфармацыю аб продажы тавараў, а пасля аплаты проста знікала, паведамляе Следчы камітэт.
Жыхарка Віцебскага раёну падманула больш за 180 чалавек, але следчыя да гэтага часу шукаюць яшчэ пацярпелых.
20-гадовая жыхарка Віцебскага раёна размяшчала ў сваім акаўнце Instagram інфармацыю аб продажы дзіцячай і жаночай вопраткі і аксесуараў. Даверлівыя карыстальнікі, якія жадалі набыць вопратку, пералічвалі дзяўчыне грошы, а ў выніку заставаліся з нічым.
Нядобрасумленная «прадпрымальніца» пасля атрымання грошай пераставала выходзіць на сувязі, або мяняла назву свайго акаўнту. Агульная сума ўрону пацярпелым перавысіла 12 тысячаў рублёў.
Алена Аляксандрава belsat.eu