Дырэктара і заснавальніка «Офісу правоў людзей з інваліднасцю» Сяргей Драздоўскага і юрыста фонду Алега Граблеўскага вызвалілі з-пад арышту.
«У дачыненні да мяне і Алега Граблеўскага змененая мера стрымання, і мы з-пад арышту выйшлі пад паручальніцтва. Пры гэтым следства ў наш адрас працягваецца, і нейкую большую інфармацыю звыш таго, што мы ўбачылі на прасторах інтэрнэту, пра нас мы паведаміць не зможам пакуль», – паведаміў у Facebook дырэктар офісу.
3 лютага стала вядома пра затрыманне прадстаўнікоў асветніцкай праваабарончай установы «Офісу правоў людзей з інваліднасцю», дырэктара Сяргея Драздоўскага і юрыста Алега Граблеўскага.
Ім выставілі абвінавачванне паводле арт. 209 КК («Махлярства»). Алега Граблеўскага змясцілі ў СІЗА №1 на Валадарскага, а Сяргея, які перасоўваецца на інвалідным вазку, пасадзілі пад хатні арышт без права камунікацыі.
«Офіс правоў людзей з інваліднасцю» аказваў бязвыплатную прававую дапамогу, адвакатаваў змены заканадаўства, ладзіў асветніцкія падзеі для змены стаўлення да людзей з інваліднасцю.
МГ belsat.eu