Чатыры чалавекі загінулі. Як у Турцыі змагаюцца з ляснымі пажарамі


На поўдні Турцыі здарыліся пажары, якія былі выкліканыя тэмпературай большай за 40 градусаў па Цэльсію. На фота правінцыя Мугла, 30 ліпеня 2021 г. Лясны пажар набліжаецца да вёскі Орханье, што ў 28 км на захад ад курортнага гораду Мармарыс на ўзбярэжжы Эгейскага мора.
Фота: Alina Kvasha / TASS / Forum

Колькасць загінулых у выніку пажараў на паўднёвым узбярэжжы Турцыі ўзрасла да чатырох чалавек, пажарныя працягваюць змагаюцца з агнём, эвакуяваныя дзясяткі вёсак і некаторыя гатэлі, піша Reuters.

Больш за 70 пажараў было зафіксавана на гэтым тыдні ў Турцыі на ўзбярэжжы Эгейскага і Міжземнага мораў, а таксама ва ўнутраных раёнах, заявіў прэзідэнт Таіп Эрдаган, дадаўшы, што 14 пажараў па-ранейшаму гараць.

Для замежнікаў найбольшую небяспеку ўяўляюць пажары побач з міжземнаморскім курортным горадам Анталія і ў курортнай правінцыі Эгейскага мора Мугла.

Правінцыя Мугла, Турцыя. 30 ліпеня 2021 г. Дым ідзе ад пажару каля Ічмелера, у 8 км ад курортнага гораду Мармарыс на ўзбярэжжы Эгейскага мора.
Фота: Arsen Khasanov / TASS / Forum
Ратавальнікі тушаць лясны пажар каля гораду Манаўгат, на ўсход ад курортнага гораду Анталія, Турцыя, 30 ліпеня 2021 г.
Фота: KAAN SOYTURK / Reuters / Forum
Лясны пажар каля Мармарыса, Турцыя, 30 ліпеня 2021 г.
Фота: KENAN GURBUZ / Reuters / Forum
Анталія, Турцыя, 29 ліпеня 2021 г. Людзі назіраюць за пажарамі, спрабуюць выратаваць свае дамы ў вёсцы недалёка ад Манаўгата, Анталія: Cenk Ozel / Zuma Press / Forum
Анталія, Турцыя, 29 ліпеня 2021 г. Людзі назіраюць за пажарамі, спрабуюць выратаваць свае дамы ў вёсцы недалёка ад Манаўгата, Анталія: Cenk Ozel / Zuma Press / Forum
Спалены дом у горадзе Манаўгат, у 75 км на ўсход ад курортнага гораду Анталія, Турцыя, 28 ліпеня 2021 г.
Фота: KAAN SOYTURK / Reuters / Forum

Паводле ўладаў Турцыі прынамсі 5 самалётаў, 45 верталётаў, беспілотнікаў і 1080 пажарных машын задзейнічаныя ў тушэнні пажараў на 1140 абʼектах. У якасці меры засцярогі ад пажараў мясцовыя ўлады забаранілі ўезд у лясныя ўчасткі да канца жніўня.

Амбасада Беларусі ў Турцыі рэкамендавала ўстрымацца ад паездак на адпачынак у пацярпелыя ад пажараў рэгіёны.

belsat.eu

Стужка навінаў