31 ліпеня, у восьмы дзень Алімпійскіх гульняў у Токіа, Беларусь заваявала свой першы медаль на гэтай Алімпіядзе.
У скачках на батуце сярод мужчынаў золата заваяваў беларус Іван Літвіновіч, які набраў 61,715 балу. Яшчэ адзін прадстаўнік Беларусі Уладзіслаў Ганчароў заняў чацвёртае месца.
Другое і трэцяе месцы занялі прадстаўнікі Кітая і Аўстраліі адпаведна.
Адзначым, што Літвіновіч і Ганчароў з’яўляюцца падпісантамі праўладнага ліста беларускіх спартоўцаў.
Агулам са 108-і атлетаў, якія прыбылі ў Токіа прадстаўляць Беларусь, 42 падпісалі праўладны ліст, а 7 – ліст супраць гвалту і за новыя выбары.
МГ belsat.eu