Прадстаўнікі Еўрапейскага Звязу пацвярджаюць згоду разгледзець заяўку Украіны на сяброўства ў ЕЗ. Еўразвяз збіраецца зрабіць гэта ўжо на чэрвеньскім саміце, паведамляе «Інтерфакс-Україна».
Еўрапейская рада заявіла, што прымае да ўвагі рыхтаванне высноваў камісіі, скліканай дзеля заявы на сяброўства ў ЕЗ Украіны, а таксама Малдовы і Грузіі. Рада разгледзіць гэтае пытанне на сваім чэрвеньскім паседжанні.
Апроч таго, лідары заявілі, што Еўрапейскі Звяз па-ранейшаму адданы далейшаму ўмацаванню абароназдольнасці Украіны.
«У сувязі з гэтым Еўрапейская рада вітае прыняцце нядаўняй пастановы павялічыць ваеннае падтрыманне Украіны ў межах Еўрапейскага фонду міру», – адзначылі ў Еўрапейскай радзе.
Нагадаем, што 1 сакавіка Еўрапарламент прыняў заяву Украіны на далучэнне да ЕЗ. Еўразвяз запэўніў, што прыкладзе намаганні, каб тэрмінова разгледзець заяўку і паспрыяць хуткаму развязку справы.
Раман Лугоўскі belsat.eu