Увечары 30 студзеня адбылася аварыя на Менскай кальцавой аўтадарозе, паведамляе Упраўленне ДАІ Менгарвыканкаму.
Паводле папярэдняй інфармацыі, кіроўца «Міцубісі», рухаючыся па пуцепровадзе з боку вуліцы Кіжыватава, пры выездзе на МКАД не саступіў дарогу і сутыкнуўся з аўтамабілем «Рэно». Той ад удару адкінула ў дарожную агароджу і развярнула.
У выніку ДТЗ пацярпелі 39-гадовы кіроўца «Рэно» і дзве яго пасажыркі (1995 і 1996 гадоў нараджэння). Яны шпіталізаваныя з траўмамі.
Вінаваты ў аварыі кіроўца «Міцубісі» ўцёк з месца ДТЗ. Яго цяпер шукаюць.
ЯП, belsat.eu