Артыст камернага хору Беларускай дзяржаўнай філармоніі Дзяніс Іваноў выйшаў на волю. Пры гэтым была затрыманая рэжысёрка Карына Хацкалёва, якая прыйшла яго сустракаць. Пра гэта паведамляе тэлеграм-канал «Выборы видишь?».
25 студзеня Дзяніса затрымалі на працоўным месцы ў Беларускай дзяржаўнай філармоніі. Суд скіраваў ягоную справу на дапрацоўванне. У чацвер міналі трое содняў з моманту ягонага затрымання, але Дзяніс на волю не выйшаў. 29 студзеня адбыўся яшчэ адзін суд, на якім высветлілася, што на артыста склалі новы пратакол. Справу зноў скіравалі дапрацоўваць.
У выніку музыка правёў за кратамі шэсць содняў. У дачыненні яго склалі два адміністрыўныя пратаколы, і абодва цяпер на дапрацоўванні.
Сёння Дзяніс выйшаў на свабоду. Сяброўкі Дзяніса сустракалі яго ля Акрэсціна. Да іх чапляліся невядомыя людзі, спрабавалі сарваць з дзяўчат маскі, назвалі іх «неймавернымі бл*» і адную дзяўчыну зацягнулі ў ІЧУ.
Высветлілася, што затрымалі прадзюсарку і рэжысёрку Карыну Хацкалёву.
ІІ belsat.eu
