Арцёма Баярскага, нягледзячы на хваробу, этапавалі ў Магілёў


Нягледзячы на цяжкі стан здароўя і ўсе прыкметы каронавірусу, палітвязня Арцёма Баярскага ўсё ж этапавалі – ў Магілёў.

Раней мы пісалі пра тое, што хлопец цяжка хварэе ў турме. Турэмны лекар прапісаў яму пасцельны рэжым, але тэст на каронавірус Арцёму так і не зрабілі. Пакуль разглядалася скарга на прысуд, Арцём знаходзіўся ў СІЗА №1 на Валадарскага. Сёння стала вядома, што яго этапавалі ў Магілёў, дзе ён будзе адбываць пакаранне пасля абскарджання. Скарга цяпер у Вярхоўным судзе, прысуд яшчэ не ўступіў у законную сілу.

20-гадовага студэнта Арцёма Баярскага 9 снежня асудзілі на 5 гадоў калоніі ўзмоцненага рэжыму нібыта за «стварэнне экстрэмісцкага фармавання» (адміністраванне Telegram-каналу і чату «Мая краіна Беларусь») і за ўдзел «у групавых дзеяннях, якія груба парушаюць грамадскі парадак». Суд быў закрытым.

Аб’ектыў
Судзілішчы ў закрытым рэжыме
2021.12.06 22:09

Гарадзенец, былы студэнт хімфаку БДУ, пераможца шматлікіх алімпіядаў па хіміі, Арцём Баярскі марыў ствараць лекі ад невылечных хваробаў. Пасля выбараў у жніўні мінулага году хлопец падпісаў адкрыты ліст аб адмове ад прэзідэнцкай стыпендыі і сваіх рэгаліяў у знак пратэсту супраць гвалту і беззаконня. Пасля арышту яго выключылі з універсітэту. За кратамі ён знаходзіцца з 24 сакавіка.

Гісторыя Арцёма прыцягнула ўвагу не толькі ўнутры Беларусі, але і выйшла на міжнародны ўзровень. За яго заступіліся 47 аўтарытэтных навукоўцаў расейскай Акадэміі навук, на знак падтрымання Арцёма завочна залічылі ў Каўнаскі ўніверсітэт Вітаўта Вялікага, дзе ён зможа вучыцца пасля вызвалення.

Гісторыі
«Ён не хацеў стаць другім Ромам Бандарэнкам». Хто такі Арцём Баярскі – стыпендыят фонду Лукашэнкі, якога абвінавацілі ў экстрэмізме
2021.05.15 14:15

РР belsat.eu

Стужка навінаў