Амаль палова жыхароў Літвы падтрымлівае палітыку кіраўніцтва краіны ў дачыненні Беларусі, сведчаць звесткі апошняга апытання, праведзенага на замову нацыянальнай тэлерадыёкампаніі LRT. Пра гэта піша Delfi.
Паводле апытання, праведзенага кампаніяй «Norstat» 3–24 лістапада, палітыку Літвы ў дачыненні Беларусі падтрымліваюць 49 % рэспандэнтаў, а 37 % апытаных жыхароў краіны не падтрымліваюць яе. Яшчэ 15 % заявілі, што ў іх няма меркавання наконт гэтага.
Нагадаем, Літва не прызнала вынікаў прэзідэнцкіх выбараў 2020 года, кіраўніцтва краіны выступае за жорсткі курс у дачыненні рэжыму Лукашэнкі і падтрымлівае перамены ў Беларусі. У Літве знайшлі прытулак многія беларусы, што трапілі пад палітычны пераслед на радзіме.
РР belsat.eu