Працэс вяртання на радзіму грамадзянаў Іраку, якія трапілі ў Беларусь падчас штучна створанага рэжымам Лукашэнкі міграцыйнага крызісу, па невядомых прычынах спыніўся.
Прэс-служба Нацыянальнага аэрапорту Менск паведаміла, што рэйс Менск-Эрбіль, запланаваны на 30 лістапада, адменены. Раней паведамлялася таксама пра адмену рэйсаў 28 і 29 лістапада. У паведамленні Нацыянальнага аэрапорту не тлумачыцца, па якой прычыне яны былі скасаваныя.
Учора прадстаўнік Міністэрства міграцыі і перамешчаных асобаў Іраку заяўляў, што рэйс 30 лістапада мусіць стаць апошнім.
Усяго кампанія «Iraqi Airways» зладзіла пяць гуманітарных рэйсаў Менск-Эрбіль, на якіх грамадзяне Іраку вярталіся з Беларусі дадому. Агулам такімі рэйсамі было перавезена 1876 чалавек.
РР belsat.eu
