Смяротная аварыя адбылася ўначы каля Івацэвічаў. На аўтатрасе М1 сутыкнуліся легкавік і мікрааўтобус. Следчы камітэт паведамляе, што заведзеная крымінальная справа.
Па папярэдніх звестках, кіроўца легкавой машыны не даў рады кіраванню, выехаў на сустрэчную паласу і ўрэзаўся ў мікрааўтобус. Усе чатыры чалавекі, што былі ў легкавіку, загінулі. Кіроўцу і трох пасажыраў мікрааўтобуса даставілі ў шпіталь, пазней двух пацярпелых пасля медычнай дапамогі адпусцілі.
Усе абставіны здарэння высвятляюцца. Крымінальная справа заведзеная па артыкуле «Парушэнне правіл дарожнага руху, што прывяло па неасцярожнасці смерць двух і болей асоб».
Hавiны
Пад Баранавічамі ў ДТЗ патрапіў аўтобус з пасажырамі
2022.01.17 20:07
Сяргей Крот belsat.eu
