Суд у Варшаве прызнаў былога супрацоўніка сілавых структураў Польшчы Гжэгажа М. вінаватым у супрацы з беларускім КДБ і пакараў яго 1,5 гадамі пазбаўлення волі, паведамляе пракуратура Польшчы.
Гжэгаж М. быў затрыманы 10 кастрычніка 2021 года. Следства вяло Агенцтва ўнутранай бяспекі. У траўні бягучага года справу перадалі ў суд. Паляка прызналі вінаватым паводле двух артыкулаў польскага Крымінальнага кодэксу – у гатовасці дзейнічаць у інтарэсах замежнай выведкі (арт. 130) і захаванні боепрыпасаў без неабходнага дазволу (арт. 263). За гэтыя злачынствы мужчына правядзе за кратамі паўтара года.
У 1980-х гадах абвінавачаны служыў у спецназе польскай міліцыі ZOMO, потым у паліцыі. Сышоў са службы на пенсію ў 2001 годзе з пасады афіцэра памежнай службы.
Марыя Міхалевіч belsat.eu