Хворага на сухоты палітвязня Паўла Вінаградава змясцілі ў ШІЗА, бо ён ад слабасці прылёг на ложак


Адміністрацыя папраўчай калоніі № 12, дзе Павел Вінаградаў адбывае пакаранне, склала на яго тры рапарты: адзін з іх – за тое, што ад слабасці прылёг на ложак.

Павел Вінаградаў.
Фота: Белсат

Паўла адправілі ў штрафны ізалятар 23 жніўня. Раней яго пазбавілі працяглага спаткання за сон удзень. За гэта ж палітвязня прызналі «злосным парушальнікам рэжыму».

Раней паведамлялася, што Вінаградаў у зняволенні схуднеў на 36 кілаграмаў.

У жніўні ў палітзняволенага блогера і актывіста выявілі сухоты. Да гэтага на рэнтгене лекары знайшлі пляму ў лёгкіх у вязня. Спачатку яго лячылі антыбіётыкамі, але безавнікова. Далейшыя абследаванні пацвердзілі сухоты.

Hавiны
Павел Вінаградаў у турме захварэў на сухоты
2022.08.08 13:07

28 ліпеня Вінаградава перавялі ў аршанскую калонію № 12, вядомую тым, што там утрымліваюцца і лечацца асуджаныя, хворыя на актыўную форму сухотаў.

Паўла Вінаградава затрымалі 22 снежня 2021 года, абвінавацілі паводле арт. 130 КК («Распальванне сацыяльнай варожасці»), ч. 2 арт. 367 КК («Паклёп на прэзідэнта») і арт. 342 КК («Арганізацыя і рыхтаванне дзеянняў, што груба парушаюць грамадскі парадак, або актыўны ўдзел у іх»). 16 сакавіка 2022 года палітычнаму вязню прысудзілі 5 гадоў калоніі агульнага рэжыму.

Падтрымаць Паўла Вінаградава можна лістамі на адрас: 211381, Віцебская вобласць, Ворша, вул. Смаленская, 2, ПК № 12 Вінаградаву Паўлу Юр’евічу.

Артыкулы
«Як у турме, нідзе так не смяяўся». Павел Вінаградаў распавёў пра 48 дзён у ізалятары
2021.08.24 11:14

Марыя Міхалевіч belsat.eu

Стужка навінаў