Макей тым часам лічыць, што ў Еўразвязу няма выбару, акрамя як ісці на партнёрства з рэжымам Лукашэнкі.
Вярхоўны прадстаўнік Еўразвязу ў замежных справах і палітыцы бяспекі Жузэп Бурэль падзяліўся ў Twitter відэа Еўрапейскай службы замежных сувязяў аб рэпрэсіях у Беларусі пасля сфальсіфікаваных выбараў 2020 года.
«Мы падтрымліваем народ Беларусі і асуджаем усе формы рэпрэсіяў супраць беларускіх грамадзянаў», – напісаў Бурэль.
Ён дадаў, што Еўразвяз спыніць санкцыі супраць тых, хто робіць рэжым Аляксандра Лукашэнкі магчымым, калі будуць выкананыя тры рэчы:
У той жа час дзяржаўнае выданне «СБ. Беларусь сегодня» апублікавала цытаты міністра замежных справаў ураду Лукашэнкі Уладзіміра Макея. Паводле Макея, МЗС будзе «актыўна працаваць з рознымі коламі ў Еўразвязе», бо «здаровых людзей там дастаткова», але «на дадзены момант не яны вызначаюць палітыку».
Тое, што Літва збіраецца падымаць пытанне аб дадатковых санкцыях, калі не пераадолеецца крызіс з нелегальнай міграцыяй (у стварэнні якога Літва вінаваціць рэжым Лукашэнкі), Макей палічыў знакам, што «нарэшце пачынаюць да іх даходзіць некаторыя рэчы».
«З Еўразвязам нас чакае партнёрства пры рознагалоссях, – запэўнівае Макей. – Для Захаду аднаўленне кантактаў з намі з’яўляецца безальтэрнатыўным».
АА belsat.eu