Інфапрастора Беларусі цяпер перапоўненая бягучымі навінамі. «Белсат» пастанавіў сабраць галоўнае за месяц, каб згадаць як мы пражылі чэрвень.
Сцяпан Латыпаў
Месяц пачаўся з трагічнай навіны – Сцяпан Латыпаў парэзаў сабе горла ў судовай залі.
Перад гэтым Сцяпан звярнуўся да бацькі:
«Бацька! Пасля спаткання да мяне прыйшоў ГУБАЗ. Паабяцаў, што калі я не прызнаю віну, у мяне будзе прэс-хата, крымінальныя справы супраць родных і суседзяў. Прэс-хата ў мяне была – 51 дзень. Так што ты рыхтуйся».
Ахоўнікі некаторы час не маглі адкрыць дзверы клеткі, Латыпаў страціў прытомнасць і ўпаў на падлогу.
Пазней суд накіраваў Сцяпана Латыпава на псіхіятрычную экспертызу і пасля яе вярнулі ў СІЗА-1 на Валадарскага.
Сцяпана Латыпава затрымалі 15 верасня ў ягоным двары каля знакамітага муралу з дыджэямі Пераменаў. Яму выставілі абвінавачванне адразу паводле некалькіх артыкулаў Крымінальнага кодэксу.
Імаверна, што працэс над палітвязнем неўзабаве адновіцца.
Святлана Ціханоўская
2 чэрвеня Святлана Ціханоўская выйшла да беларусаў на акцыю ў Варшаве і сустрэлася з польскімі палітыкамі.
«А Саша выйдзе?»
3 чэрвеня спартовага журналіста, гульца ФК «Крумкачы» Аляксандра Івуліна, а таксама мантажыста Яраслава Пісарэнку затрымалі ў кватэры людзі ў цывільным. Да іх прыйшлі з ператрусам, праз тры гадзіны хлопцаў звезлі ў бусах у невядомым кірунку.
Аляксандру Івуліну прысудзілі 30 содняў арышту. Прычына – нібыта сцяг на акне. Аднак Аляксандр адмаўляў наяўнасць сцяга.
6 чэрвеня на матчы «Крумкачы» – «Слонім» адбыўся перформанс у падтрыманне Аляксандра Івуліна на 25-й хвіліне – Аляксандр гуляе ў камандзе пад нумарам 25.
13 чэрвеня на футбольным матчы «Крумкач» – «Хваля» затрымлівалі людзей з нумарам 25 на тышортках, там быў кіраўнік менскага АМАПу Юрый Балаба.
Футбалісты «Крумкачоў» трымалі тышортку Івуліна на знак салідарнасці з сваім гульцом.
Пазней затрыманых адпусцілі з РУУС. Афіцыйная версія затрымання – правяранне дакументаў.
А што там з самалётамі?
4 чэрвеня Еўразвяз забараніў беларускім самалётам карыстацца сваёй паветранаю прастораю і прызямляцца ў сваіх аэрапортах.
Беларусы за мяжою
5 чэрвеня Беларусы на мяжы з Польшчаю і Літвою будуюць намётавыя гарадкі.
Патрабаванні пікетоўцаў да ЕЗ – паскорыць прыняцце санкцыяў супраць Лукашэнкі. Да ўладаў Беларусі – вызваліць палітвязняў і адкрыць наземныя мяжы для вольнага перамяшчэння грамадзянаў.
11 чэрвеня на Берлінскім кінафестывалі прэзентавалі фільм рэжысёра Аляксея Палуяна пра беларускія пратэсты. Сярод запрошаных былі Святлана Ціханоўская і Святлана Алексіевіч.
Раман Пратасевіч і Соф’я Сапега
14 чэрвеня Раман Пратасевіч нечакана ўзяў удзел у брыфінгу, арганізаваным МЗС. Некаторыя журналісты, пабачыўшы яго, пакінулі залу.
У канцы месяца Софʼю Сапегу і Рамана Пратасевіча перавялі пад хатні арышт.
Але за кратамі застаецца 520 палітзняволенных. Гэта людзі, пра якіх ведаюць праваабаронцы.
TUT.by, 21vek.by
18 чэрвеня МУС просіць прызнаць матэрыялы TUT.by экстрэмісцкімі. Суд над медыя распачаўся праз тыдзень, яго адклалі да 6 чэрвеня.
Таксама ўзгаднілі забарону на выдачу ўладам Беларусі крэдытаў на інвестыцыйныя паслугі і на гандаль каштоўнымі паперамі.
Сілавікі 22 чэрвеня прыйшлі з ператрусамі ў офіс інтэрнэт-крамы «21vek.by» і вытворцы дзвярэй «Юркас».
Віктар Бабарыка
23 чэрвеня арыштаваную год таму калекцыю «Белгазпрамбанку» вярнулі ў галерэю. Але не вярнулі блізу дзесяці карцінаў, якія ёсць асабістаю ўласнасцю Віктара Бабарыкі.
Віктар Бабарыка выступіў з апошнім словам у судзе – калі не чыталі – то вам сюды.
Суд у СІЗА
24 чэрвеня пачаўся судовы працэс Сяргея Ціханоўскага, Міколы Статкевіча, Ігара Лосіка, Арцёма Сакава, Дзмітрыя Папова і Ўладзіміра Цыгановіча. Іх пачалі судзіць у закрытым рэжыме на тэрыторыі гомельскага СІЗА.
Санкцыі Еўразвязу
25 чэрвеня. Санкцыі забараняюць імпарт і транзіт калійных угнаенняў і нафтапрадуктаў з Беларусі, продаж і транзіт абсталявання для вытворчасці тытунёвых вырабаў з ЕЗ пакупнікам з Беларусі або для выкарыстання ў Беларусі.
Зацвердзілі забарону на імпарт і экспарт абсталявання і праграмнага забеспячэння для сачэння за людзьмі ў інтэрнэце і праз тэлефонную сувязь і забарону на экспарт у Беларусь тавараў падвойнага прызначэння для вайсковага выкарыстання.
Уводзяць санкцыі супраць трох беларускіх банкаў: «Беларусбанку», «Белінвестбанку» і «Белаграпрамбанку».
5-ы пакет санкцыяў Еўразвязу для Беларусі маюць зацвердзіць у пачатку ліпеня.
Мастоў у Беларусі засталося на тры дні
У траўні і чэрвені ў інтэрнэце было шмат паведамленняў пра абвал або кепскі стан мастоў.
У траўні разваліліся адразу два: у Пружанскім раёне непадалёк ад вёскі Броды і на аўтадарозе Барысаў – Беразіно.
У мосце на трасе М1 бэлькі падперлі драўлянымі (!) брускамі.
Яшчэ адзін экамост з’явіўся ў Валожынскім раёне.
Рух перакрылі на чыгуначным мосце побач з «Барысаў-Арэнаю».
У Наваполацку зачынілі мост праз Дзвіну праз пагрозу абвалу.
Тут мы пакінем спасылку на стан моста ў Гарадку.
Навіна з «дна»
З удавы Аляксандра Тарайкоўскага пастанавілі спагнаць $4500 долараў падатку з атрыманых ёю ахвяраванняў.
Цяпер пра харошае
Рэпрэсаваныя медыкі будуць кансультаваць онлайн. З дапамогаю сэрвісу «еЗдоровье» можна атрымаць кансультацыю.
А «на закуску» – любімыя тэксты «Белсату» за месяц
Улюбёны тэкст рэдакцыі пра Кацярыну Барысевіч. Яна цяпер сапраўдная зорка – з ёю часта просяць сфатаграфавацца мінакі.
Вялікае інтэрв’ю са Святланай Ціханоўскай і ейнаю камандаю з Вільні. Абавязкова пачытайце!
