У Санкт-Пецярбурзе 28 траўня затрымалі жыхара Воршы Андрэя Рускіх. Навіна пра затрыманне з’явілася на ягонай старонцы ў Instagram.
Мужчына быў у федэральным вышуку за каментары ў сацсетках.
«Андрэй быў у федэральным вышуку ў Беларусі праз палітычныя выказванні ў сацыяльных сетках. Найбліжэйшым часам (год дакладна) Андрэй не зможа выйсці на сувязь і дапамагчы людзям з неўратычнымі захворваннямі», – напісана ў Instagram.
Паводле папярэдняй інфармацыі, яго плануюць экстрадаваць у Беларусь. Цяпер ён застаецца ў СІЗА № 5 Санкт-Пецярбургу.
Андрэй Рускіх – псіхолаг, які спецыялізуецца на трывожна-фобійных разладах, што маюць псіхалагічную аснову.
Алена Рувіна belsat.eu