Міліцыя запісала відэа пра ператрус у рэдактара «Hrodna.life» за 2 дні да падзеі

На запісе кіраўнік аддзелу інфармацыі і грамадскіх сувязяў УУС Гарадзенскага гарвыканкаму Яўген Дудко заявіў: «Сённяшнія падзеі паказалі, што на асобных прадстаўнікоў беларускай інтэрнэт-супольнасці не дзейнічаюць нават буйныя штрафы».

Відэа было змешчана 28 траўня, за два дні да ператрусу і затрымання галоўнага рэдактара «Hrodna.life» Аляксея Шоты. У ім Дудко распавядае, што адбываецца ператрус:

«У цяперашні час праваахоўнікамі праводзіцца агляд па месцу жыхарства Аляксея Шоты, вымаецца аргтэхніка для далейшага адпраўлення на экспертызы».

Прадстаўнік МУС таксама нагадаў, што адказнасць за захоўванне інфармацыйнай прадукцыі, якая ўключана ў рэспубліканскі спіс экстрэмісцкіх матэрыялаў, вядзе да штрафу да 500 базавых велічыняў, а таксама канфіскацыю прадметаў і прылад правапарушэння.

Затрыманы галоўны рэдактар «Hrodna.life». Магчыма, яго зноў вінавацяць у распаўсюдзе экстрэмісцкіх матэрыялаў

МГМ, belsat.eu

Hавiны