«Адкарэктаваць у бок памяншэння». КДК патрабуе знізіць кошты на лекі і пагражае тым, хто не паслухаецца

Камітэт дзяржаўнага кантролю рэкамендаваў буйным аптэчным сеткам пераацаніць кошты лекавых сродкаў у звязку з умацаваннем беларускага рубля. Пра гэта ў эфіры тэлеканалу «Беларусь 1» распавяла прадстаўніца ведамства Юлія Аўхукова.

Здымак мае ілюстрацыйны характар. Аптэка ў Менску, Беларусь. 24 лістапада 2021 года.

Фота: ПБ / Белсат

«Цэны на лекавыя сродкі трэба адкарэктаваць у бок памяншэння. Выкананне рэкамендацыі праверыць камітэт бліжэйшым часам», – адзначыла чыноўніца.

Паводле сюжэту, нягледзячы на ўмацаванне рубля, «пераглядаць кошты спяшаюцца не ўсе».

Таму ў КДК прыгразілі жорсткімі захадамі ўсім, «хто пастанавіў нажыцца на спажыўцах».

Нагадаем, што ў Беларусі пачаліся перабоі з лекавымі сродкамі, у тым ліку і жыццёва важнымі. Зніклі нават лекі беларускай вытворчасці.

ПС belsat.eu