У Менск 22–23 траўня вяртаецца экафэст «Пастарнак». Ва ўнутраным дворыку на Кастрычніцкай 19 наведнікаў чакае напоўненая музыкай і творчасцю атмасфера фестывалю.
00:00–16:00 – дыджэй-сэты
16:00–17:00 – «Triangle»
Акустычна-электронны праект музыкі з Менску Андрэя Апановіча. У музыцы «Triangle» няма вакалу, толькі гітара, сэмплер і педалі эфектаў.
17:00–19:00 – «Minsk Improvisers Orchestra»
«Minsk Improvisers Orchestra» не выконваюць раней нарыхтаваных тэмаў, іхная музыка – гэта вынік узаемадзеяння розных характараў і пунктаў гледжання ў рэальным часе. Для таго каб такое ўзаемадзеянне сталася магчыма, яны адмаўляюцца ад рытму, гармоніі, жанру. Кожны ахвочы можа ўзяць удзел у выступе.
19:00–20:00 – Джэфры і Джэйсан Бланкі
Яны прыехалі з Нью-Ёрку і жывуць у Беларусі.
00:00–15:00 – дыджэй-сэты
15:00–16:30 – «Dodoma»
«Dodoma» – эксперыментальны музычны праект з Менску на сутыку электроннай і жывой музыкі.
Жывыя выступы «Dodoma» больш падобныя на дыджэй-сэт: музыка не спыняецца, а кампазіцыі перацякаюць адна ў адну. Аранжацыям уласцівае павольнае і выразнае развіццё меладычных лініяў.
17:00–18:30 – «Колорит Кульмана»
Медытатыўныя п’есы парадаксальнай тэхна-джаз-імправізацыі з індустрыйнымі правакацыямі, гульнёю на металічных банках ды іншых прадметах.
19:00–20:00 – канцэрт класічнай музыкі ад музычнай школы «АртГранд»
У праграме – вядомыя творы Баха, Бэтховэна, Шапэна, Радрыга ды іншых кампазітараў.
Уваход вольны.
МГ belsat.eu