Савет Міністраў Беларусі забараніў вывозіць з краіны крупы, муку грубага памолу з жыта ці ячменю, макарону, паведамляе Міністэрства антыманапольнага рэгулявання і гандлю.
Пастанову прынялі 28 сакавіка.
У ведамстве паведамляюць, што забарону ўвялі, каб не дапусціць дэфіцыту і запэўніць харчовую бяспеку краіны. Абмежаванне будзе дзеяць цягам трох месяцаў.
Аднак абмежаванне не распаўсюджваецца на тавары, якія ўвозяць у дзяржавы – чальцы ЕАЭЗ, а таксама ў іншыя краіны для гуманітарнай дапамогі і асабістых прыпасаў. Таксама яно не закранае тавараў, што перамяшчаюцца ў межах міжнародных транзітных перавозаў, што пачынаюцца і заканчваюцца за межамі мытнай тэрыторыі ЕАЭЗ.
Раней з Беларусі забаранілі экспарт пшанічнай мукі, грэчкі і цукру, а таксама кармоў для жывёлы і некаторых прамтавараў.
АД belsat.eu
