На 86 годзе жыцця памёр знакаміты савецкі актор Леанід Кураўлёў. Пра гэта паведаміла 30 студзеня выданне «Daily Storm».
«Комсомольская правда» пісала, што ў студзені яго шпіталізавалі ў цяжкім стане ў адну з маскоўскіх клінік. У актора былі паніжаныя ціск і тэмпература. Леаніда Кураўлёва падключылі да кіслароду. Ён знаходзіўся пад кругласутачным наглядам медыкаў.
Леанід Кураўлёў быў зоркай савецкага кіно. Ён зняўся амаль у 250 фільмах. Сярод яго знакамітых роляў – Афоня ў аднайменным фільме, Шура Балаганаў у «Залатым цяляці», Жорж Міласлаўскі ў «Іван Васільевіч мяняе прафесію», Айсман у «17 імгненняў вясны» ды іншыя.
У 2014 годзе Кураўлёў падпісаў зварот дзеячаў культуры Расеі ў падтрыманне акупацыі ўкраінскага Крыму, а ў 2016-м назваў існаванне Расеі «выратаваннем міру» і заклікаў падтрымаць Уладзіміра Пуціна ў змаганні з Захадам.
Леаніда Кураўлёва пахаваюць у Маскве на Траекураўскіх могілках, піша «Эхо Москвы».
МГ belsat.eu