Яшчэ аднаго беларускага пратэстоўца, Дзмітрыя Падлобнікава, сабраліся экстрадаваць з Расеі
Дзмітрыю Падлобнікаву ў Беларусі пагражае да 7 гадоў пазбаўлення волі за «групавое парушэнне парадку» і «гвалт супраць міліцыянта».
Затрыманага ў Расеі ў ліпені Дзмітрыя Падлобнікава вывезлі з СІЗА ў Каломне і, магчыма, ужо экстрадуюць у Беларусь, піша «Deutsche Welle» са спасылкай на словы адвакаткі ад 28 снежня. Паводле адвакаткі, экстрадыцыя адбываецца з парушэннямі.
Паводле звестак BBC, экстрадаваць Падлобнікава мусяць да 6 студзеня. Агулам у Расеі арыштавалі як мінімум 20 беларусаў паводле палітычны справаў, частку экстрадавалі (у тым ліку некаторых выдалі, нягледзячы на забарону Еўрапейскага суду правоў чалавека).
25-гадовы Дзмітрый Падлобнікаў у 2020 годзе ўдзельнічаў у паслявыбарчых пратэстах у Жодзіне – выйшаў на плошчу, быў пабіты сілавікамі да страты прытомнасці. Яго затрымлівалі 9 жніўня 2020 года, але вызвалілі праз тры дні – ён з’ехаў у Расею, працаваў будаўніком.
Мінулай зімой у ягонай маці ў Беларусі прайшоў ператрус, пасля ейнага сына абвясцілі ў вышук затрымалі ў Маскве. Падлобнікаў абскарджваў у судзе рашэнне аб выдачы, але Маскоўскі абласны суд вырашыў, што няма доказаў катаванняў або жорсткага абыходжання з пратэстоўцам.
АА belsat.eu
