Казахстан крыху абагнаў Беларусь паводле агульнай колькасці дамоваў за кошт космасу – на тэрыторыі Казахстану касмадром «Байканур», які арандуе Расея.
Расейскі Цэнтр перспектыўных кіраўнічых рашэнняў падлічыў міжнародныя дамовы Расеі за 30 гадоў існавання сучаснай Расейскай Федэрацыі.
Найбольш Расея дамаўлялася з Казахстанам – налічылі 248 дамоваў, з якіх найбольш тычацца вайсковай супрацы і космасу (24 і 23 адпаведна).
Другое месца дзеляць Беларусь і Украіна з 231 дамовай, за імі Арменія і Кітай са 161 дамовай. Злучаныя Штаты на 9-м месцы з 82 дамовамі, а першая еўрапейская краіна, якая не ўваходзіла ў Савецкі саюз, на 16-м месцы – Францыя з 70 дамовамі.
Беларусь – абсалютны лідар паводле колькасці дамоваў аб крэдытах. Іх за 30 гадоў было аж 24 (за 2021 год у Расеі пазычылі яшчэ $ 857,1 млн, аддалі $ 638,8 млн, чарговы крэдыт Беларусь у Расеі можа прасіць проста сёння). На другім месцы паводле колькасці крэдытных дамоваў з Расеяй – Куба з 11 дамовамі.
Таксама Беларусь – лідар у яшчэ шэрагу тыпаў дамоваў:
У колькасці дамоваў з Расеяй аб вайсковай супрацы Беларусь толькі на 5-м месцы пасля Арменіі, Казахстану, Таджыкістану і Кыргызстану. У вайскова-тэхнічнай супрацы – на другім месцы пасля Узбекістану. У гандлі і эканамічнай супрацы Расея найбольш дамаўлялася з Эфіопіяй.