Сёння, 29 лістапада, адбудзецца суд над Аляксандрам Лойкам. Паседжанне пройдзе ў судзе Першамайскага раёну Менску пасля 14-й гадзіны. Мужчыну абвінавачваюць паводле артыкулу 24.3 КаАП («Непадпарадкаванне службовай асобе»).
Аляксандр Лойка павінен быў выйсці з ізалятару на Акрэсціна 28 лістапада ў 12:05, але гэтага не адбылося.
Пасля двух арыштаў па 15 дзён ён застаўся за кратамі.
Журналістку Ірыну Слаўнікаву разам з мужам Аляксандрам Лойкам затрымалі ў Нацыянальным аэрапорце 30 кастрычніка, адразу пасля вяртання з адпачынку. Першы раз ім абодвум прысудзілі па 15 содняў адміністратыўнага арышту за захоўванне экстрэмісцкіх матэрыялаў, а пасля абвінавацілі ў дробным хуліганстве і адправілі яшчэ на 15 содняў.
МГМ, belsat.eu