У Наваполацку да суда затрымалі машыніста «Нафтану» Сяргея Плігаўку і слесара заводу «Палімір» Дзмітрыя Саюнова. Іх будуць судзіць за «Удзел у несанкцыянаваным масавым мерапрыемстве», паведамляе «Вясна».
Пасля затрымання Сяргею стала дрэнна – яго даставілі ў кардыялагічнае аддзяленне больніцы.
28 верасня ў машыніста помпаў устаноўкі рыформінгу №5 ААТ «Нафтан» Сяргея Плігаўкі дома прайшоў ператрус, цяпер ён дастаўлены на допыт. Вядома, што Сяргей – член стачкі «Нафтану».
Тым часам прадстаўнікі заводу «Нафтан» пракаментавалі учорашняе здарэнне на прадпрыемстве:
«Ніякай пагрозы жыццю і здароўю жыхароў Наваполацка ў сувязі з тым, што адбылося няма. У цяперашні час высвятляюцца прычыны няштатнай сітуацыі, аб’ём і тэрміны неабходных аднаўленчых работ. Усе астатнія тэхналагічныя ўстаноўкі прадпрыемствы працягваюць працу ў штатным рэжыме. Дамоўныя абавязальніцтвы і вытворчыя планы не карэктаваліся».
Нагадаем, 28 верасня пры запуску ўстаноўкі запаволенага каксавання адбыўся выхад дызельнага паліва і яго ўзгаранне.
МГМ, belsat.eu