Беларусы працягваюць пратэставаць супраць фальсіфікацыі прэзідэнцкіх выбараў і гвалту з боку сілавікоў. Падводзім вынікі нядзелі 29 жніўня.
Пакуль сілавікі працягваюць затрымліваць і рэпрэсаваць адных, а вызваляць іншых, кібер-партызаны паведамілі пра новыя вынікі спецаперацыі «Спёка». На гэты раз яны заявілі, што ўзламалі базы ўсіх мабільных аператараў Беларусі ды атрымалі доступ да звестак пра нумары ўсіх сілавікоў, чыноўнікаў і гэтак далей, у тым ліку Віктара Лукашэнкі і Віктара Шэймана.
Беларусы працягваюць выходзіць і на акцыі пратэсту, як у Беларусі, гэтак і за мяжой. Сёння былі пратэсты ў гарадах Польшчы, Расеі ды Украіны.
А ў Вільні на рэзідэнцыі беларускага амбасадара невядомыя запатрабавалі вызвалення палітвязняў і смерці тыранаў.
Ва ўладаў жа пакуль станоўчых навінаў няма. Хакеісты правальна прайгралі адбор на Алімпійскія гульні.
Ва Украіне затрымалі вялікую партыю кантрабандных цыгарэт.
Каб кошты не раслі, даводзіцца абмяжоўваць іх рост на будаўнічыя матэрыялы.
А пры гэтым даруюцца крэдыты на мільёны долараў рыбным гаспадаркам. Грошы з бюджэту працягваюць вылятаць у трубу.
МГ belsat.eu
