Яна працавала ў Музеі гісторыі развіцця ГрДУ, але з ёй не працягнулі кантракт. Звальненне супала з «зачысткай» у гарадзенскай праваслаўнай епархіі.
Кіраўніцтва Гарадзенскага дзяржаўнага ўніверсітэту не працягнула кантракт з Альжбетай Даўгаполік, якая працавала спецыялістам музею гісторыі ГрДУ. Акрамя таго, Даўгаполік кіруе хорам Нядзельнай школы і брацтва Архірэйскага Падвор’я ў Свята-Пакроўскім кафедральным саборы.
Жанчына ўдзельнічала ў тэатралізаваных культурных гарадскіх імпрэзах – напрыклад, выконвала ролю пісьменніцы Элізы Ажэшкі падчас святкавання яе 180-га юбілею ў доме-музеі. Таксама ўдзельнічала ў святкаванні Дня беларускага пісьменства ў Свята-Пакроўскім кафедральным саборы.
«Маё крэда – несці родную беларускую мову нашаму народу, бо яна – душа народу», – кажа пра сябе дзяўчына ў роліку-партрэце, які здымаўся для конкурсу «Гарадзенская беларусачка» у 2016 годзе.
СП belsat.eu