Былая кандыдатка на пасаду прэзідэнта Беларусі Святлана Ціханоўская выказалася наконт ініцыятывы дзейнай улады прызнаць бел-чырвона-белы сцяг экстрэмісцкім.
«Лукашэнка трэба зразумець, што забарона сімволікі нічога не зменіць у галовах людзей. Беларусы больш не лічаць яго прэзідэнтам. Усё, на што яго хапае – імітацыя народнай падтрымкі і барацьба з сімваламі свабоды. Па сутнасці, рэжым баіцца злучэння двух колераў.
Але, забараняючы нацыянальную сімволіку і прысвойваючы сабе асабіста дзяржаўную, ён толькі папулярызуе бел-чырвона-белы сцяг сярод народа. Бо ён становіцца сімвалам справядлівасці, гонару і адзінства. Сапраўднага адзінства – а не таго, якое спрабуюць прадэманстраваць шляхам УНС.
У паведамленні пракуратуры кажуць пра петыцыю сотні грамадзянаў. Але я ўпэўнена, што петыцыя ў абарону гэтага сцяга збярэ сотні тысяч подпісаў», – выказала сваё меркаванне Ціханоўская.
29 студзеня стала вядома, што «неабыякавыя грамадзяне» накіравалі ў Генпракуратуру зварот, у якім просяць вызнаць бел-чырвона-белы сцяг экстрэмісцкім. Адпаведны пакет законаў ужо рыхтуюць.
ЯП, belsat.eu