У дзень візіту Аляксандра Лукашэнкі ў БДУ адбыліся затрымання дзейных і былых выкладчыкаў галоўнай ВНУ Беларусі.
Паводле ПЦ «Вясна», у Менску затрымалі былую выкладчыцу БДУ і кіраўніцу страйкаму Святлану Волчак, ейнага мужа Міхаіла Волчака, а таксама старэйшага выкладчыка кафедры фізічнай электронікі і нанатэхналогіяў факультэту радыёфізікі і кампʼютарных тэхналогіяў БДУ Паўла Пятрова.
У кватэры Пятрова адбыўся ператрус. Павел – адзін са стваральнікаў першага ў Беларусі ўніверсітэцкага міні-спадарожніка «BSU Sat-1», аўтар шматлікіх навуковых артыкулаў.
Акрамя таго, прыходзяць паведамленні пра затрыманне адміністратара чату тэлеграм-каналу «БГУ 97 АССОЦИАЦИЯ».
Напярэдадні ўвечары, 28 студзеня, таксама затрымалі старэйшага выкладчыка геаграфічнага факультэту БДУ Вольгу Кавалеўскую.
Прычыны затрыманняў пакуль невядомыя.
ІІ, belsat.eu
