Журналісту Алегу Груздзіловічу выставілі абвінавачанне


Журналісту радыё «Свабода» Алегу Груздзіловічу выставілі абвінавачанне. Вядома, што 28 снежня ў СІЗА на Валадарскага адбыўся першы допыт палітвязня.

Журналіст Алег Груздзіловіч.
Фота: Радыё Свабода — Беларусь / Telegram

Алега Груздзіловіча абвінавачваюць паводле артыкулу 342 КК («Арганізацыя і рыхтаванне дзеянняў, якія груба парушаюць грамадскі парадак, або актыўны ўдзел у іх»). Следчыя лічаць, што журналіст прымаў браў удзел у несанкцыянаванай акцыі, калі яго пазбавілі акрэдытацыі МЗС Беларусі.

 

Журналіст не прызнаў віны ды кажа, што ён не браў удзелу ў акцыі. У той час Алег Груздзіловіч быў пазаштатным супрацоўнікам газэты «Народная воля», паведамляе радыё «Свабода».

Жонка Алега Груздзіловіча Мар’яна змагла перадаць яму ў СІЗА перадачу. Турэмнікі прынялі цёплыя рэчы і ежу.

Затрымалі Груздзіловіча 23 снежня, у дзень, калі Міністэрства ўнутраных справаў назвала «экстрэмісцкім фармаваннем» інтэрнэт-рэсурсы «Свабоды».

28 снежня абвінавачанне выставілі палітвязню Паўлу Вінаградаву.

Артыкулы
Паўлу Вінаградаву выставілі абвінавачванне
2021.12.28 15:22

КЛ belsat.eu

Стужка навінаў