Расейскі сенатар і лекар Уладзімір Круглы заявіў, што штам COVID о-мікрон ужо ёсць у Расеі, паведамляе «РИА Новости».
Крыніцай яго распаўсюджвання могуць быць грамадзяне, якія наведалі Егіпет.
Аднак праз некаторы час эксперт «Роспотребнадзора» абвергнуў гэтую інфармацыю.
О-мікрон быў выяўлены ў Паўднёвай Афрыцы і ўжо дабраўся да Ізраілю і Еўропы.
«У гэтым варыянце прысутнічае вялікая колькасць мутацыяў, некаторыя з якіх выклікаюць асцярогі. Папярэднія дадзеныя кажуць, што з гэтым варыянтам звязаны падвышаны рызыка паўторнага заражэння ў параўнанні з іншымі», – сказана ў заяве САЗ.
Новы варыянт каронавірусу о-мікрон навукоўцы ўжо называюць «найгоршым з усіх, што мы бачылі». Гэты варыянт распаўсюджваецца хутчэй, чым падчас папярэдніх успышак інфекцыі і можа мець вялікія перспектывы распаўсюджвання.
АД, belsat.eu
