Вядомага гарадзенскага блогера Вадзіма Ермашука абвінавачваюць у крымінальнай справе.
Блогер абвінавачаны паводле арт. 368 КК («Абраза прэзідэнта Рэспублікі Беларусь») і арт. 370 КК («Здзек з дзяржаўных сімвалаў»), паведамляе тэлеграм-канал «Право имеют».
Віны паводле двух артыкулаў ён не прызнаў. На гэтым тыдні яго этапуюць у Горадню.
Ермашука ўзялі пад варту ў крымінальнай справе 24 верасня. Здарылася гэта за дзень да заканчэння яго адміністрацыйнага арышту, які цягнуўся 40 дзён.
Нагадаем, блогера затрымалі 16 жніўня ў Шчучыне. 19 жніўня Дзмітрый Цівунчык у Шчучынскім раённым судзе пакараў яго 25-дзённым адміністратыўным арыштам паводле арт. 24.23 КаАП за заклікі прыехаць на спартовае масавае мерапрыемства на скейт-пляцоўку ў Шчучыне.
9 верасня адбыўся новы суд над блогерам, на якім яму прысудзілі 15 содняў за тое, што ён 13 жніўня нібыта пазваніў у службу «115» і нецэнзурна выказаўся пра ЖКГ і гарвыканкам.
АД, belsat.eu