На волі бухгалтарка БелаПАН Кацярына Боева


З ІЧУ на Акрэсціна вызвалілі бухгалтарку БелаПАН Кацярыну Боеву. Яе вызвалілі пад абавязальніцтва аб яўцы, Боева застаецца ў статусе падазраванай, паведамляе сайт naviny.by.

Напярэдадні Следчы камітэт паведаміў, што ў выніку правярання ўстаноўлена, што ў перыяд з чэрвеня 2018 году па студзень 2021 году працаўнікі незалежнага інфармацыйнага агенцтва БелаПАН нібыта падавалі ў падатковую інспекцыю несапраўдныя звесткі, што пацягнула за сабой нясплату падаткаў на агульную суму звыш ста тысячаў рублёў. У выніку былому дырэктару БелаПАН Дзмітрыю Наважылаву, рэдактарцы Ірыне Леўшыной, бухгалтарцы Кацярыне Боевай выставілі абвінавачванне паводле ч. 2 арт. 243 КК («Ухіленне ад выплаты падаткаў, што пацягнула прычыненне ўрону ў буйным памеры»).

Раніцай 27 жніўня бухгалтарку БелаПАН Кацярыну Боеву вызвалілі пад пад абавязальніцтва аб яўцы, але яна застаецца ў статусе падазраванай.

Кацярына Боева.
Фота: naviny.by

Працаўнікоў БелаПАН затрымалі 18 жніўня, першапачаткова яны былі фігурантамі справы аб масавых закалотах.

Напярэдадні з Леўшынай і Наважылавым праводзіліся следчыя дзеянні. Па словах адвакатаў, яны адчуваюць сябе «нармальна, трымаюцца».

Беларускія праваабаронцы прызналі працаўнікоў БелаПАН палітвязнямі.

Hавiны
Кіраўнікоў БелаПАНу падазраюць у нясплаце падаткаў на больш чым 100 тысяч рублёў
2021.08.27 19:44

СК belsat.eu

Стужка навінаў