Вынікі пошуку для:

Дырэктар Дэпартаменту па авіяцыі: прадстаўнікі ІСАО адмовіліся размаўляць з Пратасевічам

Дэлегацыя Міжнароднай арганізацыі грамадзянскай авіяцыі (ІСАО), якая прыляцела ў Беларусь 23 жніўня для расследавання інцыдэнту з прымусовай пасадкай у Менску самалёту Ryanair, адмовілася размаўляць з Раманам Пратасевічам. Пра гэта заявіў дырэктар Дэпартаменту па авіяцыі Міністэрства транспарту і камунікацыяў Арцём Сікорскі, піша БелТА.

«Яны адмовіліся ад зносінаў з ім. Гэта было прапанавана», – паведаміў дырэктар дэпартаменту.

«Ryanair» заявіў пра наўмысны незаконны ўгон самалёту. Беларусь у аэраізаляцыі

Паводле Сікорскага, спецыялісты ІCАО з’ехалі з Беларусі з іншым настроем, чым прыехалі, з нібыта вялікім разуменнем таго, што менавіта адбылося, і перш за ўсё, што «не праводзілася нейкая спецаперацыя, каб затрымаць некага з пасажыраў».

ІСАО плануе прадставіць выніковую справаздачу свайго расследавання змушанай пасадкі самалёту Ryanair у Менску 23 траўня да лістапада.

ГГ, belsat.eu

Падпісвайся на telegram Белсату

Hавiны