Затрыманы хлопец – аўтар газеты «Прессбол» Раман Качына. Пра затрыманне паведамляюць праўладныя тэлеграм-каналы.
Паводле сілавікоў, Раман удзельнічаў у акцыях пратэсту ў 2020 годзе, а таксама «распальваў варожасць у адносінах да жыхароў Расейскай Федэрацыі». На «пакаянным відэа» хлопец распавядае, што ён пісаў, што беларусы заўсёды ваявалі з Расеяй.
«У сваіх каментарах я пісаў, што мы ўвесь час ваявалі з Расеяй, пасля чаго я даведаўся, што мая маці этнічная расейка», – кажа ён у канцы відэа.
17-гадовы падлетак сёлета скончыў школу і збіраўся паступаць на журфак. Аўтары праўладнага тэлеграм-каналу пішуць, што яму не дазволяць гэтага зрабіць «унесеныя ў жыццёвыя планы карэктывы».
Алена Рувіна belsat.eu