СБУ: Медвядчук атрымаў ад Расеі мільярд долараў на рыхтаванне да вайны. Але патраціў іх на сябе
Паводле Службы бяспекі Украіны, народны дэпутат Віктар Медвядчук, абвінавачаны ў дзяржаўнай здрадзе, атрымаў ад Расеі не менш за 1 млрд долараў ЗША для таго, каб палітык выдаткаваў іх на рыхтаванне да вайны ва Украіне. Пра гэта паведамляе выданне «Главком».
Гэты мільярд Медвядчук павінен быў выкарыстоўваць для забеспячэння «асновы для арганізацыі правядзення ваенных дзеянняў РФ на шкоду дзяржаўным інтарэсам Украіны». Аднак на гэтыя грошы дэпутат і ягоныя сваякі набывалі рухомую і нерухомую маёмасць.
Адвакаты Медведчука назвалі звесткі контрвыведкі СБУ «галаслоўнымі», а таксама заявілі, што справу народнага дэпутата нібыта немагчыма разглядаць, пакуль ідзе вайна РФ і Украіны.
Нагадаем, што СБУ затрымала Медведчука 12 красавіка. Імаверна, ФСБ РФ спрабавала вывезці збеглага дэпутата спачатку ў Прыднястроўе, а затым у Маскву. Алігарх арыштаваны паводле абвінавачання ў дзяржаўнай здрадзе і спрыянні тэрарыстычнай дзейнасці. У лютым 2022-га Медвядчук уцёк з-пад хатняга арышту.
Алена Рувіна belsat.eu
