Украіна збіраецца даць Літве гуманітарную дапамогу ў выглядзе калючага дроту для перакрыцця мяжы з Беларуссю, паведамляе «Интерфакс-Украина».
Адпаведны праект указу прэзідэнта Украіны Уладзіміра Зяленскага ўхвалілі на паседжанні ўраду 28 ліпеня.
Такая пастанова звязаная з крытычнаю сітуацыяй на мяжы Літвы з Беларуссю праз павелічэнне плыні мігрантаў і звароту літоўскага боку, паведаміў міністр замежных справаў Украіны Дмытро Кулэба.
Нагадаем, што некалькі дзён таму Эстонія абяцала дапамагчы суседняй Літве, вылучыўшы каля 100 кіламетраў адмысловага дроту для агароджы на беларуска-літоўскай мяжы.
АД, belsat.eu