У Хмяльніцкім вуліцу Пушкіна назавуць у гонар беларуса-каліноўца Аляксея Скоблі

Ва ўкраінскім горадзе Хмяльніцкі з’явяцца вуліца і завулак у гонар ваяра батальёну імя Кастуся Каліноўскага, які загінуў у баях за Украіну.

Аляксей Скобля. Фота: Yan Melnikau / Facebook

У межах дэрусіфікацыі вуліца і завулак імя Аляксандра Пушкіна будуць перайменаваныя ў гонар Аляксея Скоблі. Беларускі баец з пазыўным Тур гераічна загінуў у бітвах пад Бучай і Ірпінём, ён коштам свайго жыцця дапамог выратаваць цэлую групу ўкраінскіх вайскоўцаў.

Беларускаму добраахвотніку Аляксею Скоблю пасмяротна прысвоілі званне Героя Украіны

Рашэннем Уладзіміра Зяленскага Туру было нададзенае званне Героя Украіны.

Аляксей Скобля стаўся другім беларусам, якому прысвоілі званне Героя Украіны. Першы быў Міхаіл Жызнеўскі, якога забілі падчас пратэстаў на Майдане ў 2014 годзе.

З 24 лютага ў баях за ўкраінскую незалежнасць ужо загінулі шасцёра беларусаў: Павел Волат, Канстанцін Дзюбайла, Зміцер Рубашэўскі, Зміцер Апанасовіч, Аляксей Скобля ды Ілля Хрэнаў.

Шэсць герояў: хто такія беларускія добраахвотнікі, якія гінуць на вайне за Украіну

Якуб Хруст belsat.eu

Падпісвайся на telegram Белсату

Hавiны