Журналістка расейскага тэлеканалу «Дождь» Марыя Барзунова, якая прысвяціла цэлую серыю перадач разбору беларускай прапаганды, даведалася пра прычыны свайго прызнання іншаземным агентам.
«Я даведалася, за што мяне прызналі іншаагентам і гэта вельмі смешна. Я агент Беларусі!» – напісала журналістка ў Facebook.
Яна адзначыла, што ў якасці атрымання замежнага фінансавання ёй прыпісалі 1290 расейскіх рублёў ад журналіста Эвана Гершковіча з ЗША ў 2020 годзе і 10 270 расейскіх рублёў ад былога прадзюсара «Дождя» Надзін Лахбабі з Беларусі ў 2019-2020 гадах.
Статус іншаземнага агента Мінюст Расеі надае некамерцыйным арганізацыям, медыям, грамадзянам і незарэгістраваным грамадскім аб’яднанням, што атрымліваюць замежнае фінансаванне і займаюцца палітычнай дзейнасцю ўнутры РФ.
Якуб Хруст belsat.eu