Гурт «Бі-2» адмяніў канцэрт у Омску за 15 хвілін да яго пачатку. Верагоднай прычынай стаўся банэр «Za прэзідэнта», – паведамляе мясцовае выданне Om1.
Паводле інфармацыі Om1 на пляцоўцы, дзе мусіў выступіць беларускі гурт знаходзіўся банэр з прапагандысцкім слоганам і партрэтам Уладзіміра Пуціна. Персанал групы завесіў банэр чорнай тканінай, але адміністрацыя залы загадала супрацоўнікам сцэны прыбраць драпіроўку. Пасля гэтага музыкі пакінулі залю і адмовіліся выступаць.
На афіцыйнай старонцы «Бі-2» паведамілі, што расцэньваюць гэтую сітуацыю як працяг нападак на гурт і на яго прыхільнікаў.
ЗХ belsat.eu