232-і дзень пратэстаў: затрыманні за шыльду, Славянскі базар замест Еўрабачання і целаахоўнікі для прапагандыстаў
Паслявыбарчыя акцыі пратэсту ў краіне працягваюцца 232 дні. Беларусы не спыняюцца ў сваёй нязгодзе з гвалтам больш за сем з паловай месяцаў. «Белсат» падводзіць вынікі дня.
Праект зменаў у закон «Аб дзяржаўнай абароне» дасць магчымасць сілавікам і прапагандыстам мець целаахоўнікаў.
І нават змяняць знешнасць у выпадку неабходнасці.
Пра гэта ў эфіры БТ заявіў намеснік дзяржсакратара Рады бяспекі Аляксандр Рахманаў.
Стала вядома, што 27 сакавіка ў Менску затрымалі нямецкага журналіста
Карэспандэнта «Deutsche Welle» Ніка Коналі затрымалі падчас асвятлення акцыі пратэсту 27 сакавіка на плошчы Бангалор, не зважаючы на пашпарт грамадзяніна Нямеччыны, афіцыйную акрэдытацыю і надпіс «Прэса» на камізэльцы, паведамляе выданне.
Міністр культуры Анатоль Маркевіч у эфіры ОНТ заявіў, што Еўрабачанне стала падмяняць агульначалавечыя паняцці.
А вось «Славянскі базар» – гэта сапраўднае майстэрства!
Шыльды з нумарам дома дастаткова для ператрусу і затрымання
Журналістку Аліну Скрабунову будуць судзіць за інтэрв’ю «Белсату»
На магілёўскую журналістку Аліну Скрабунову міліцыянты склалі адміністратыўны пратакол, палічыўшы за прадукцыю СМІ ейнае інтэрвʼю «Белсату» пасля ператрусу ў кватэры.
У дачыненні журналісткі распачаты адміністратыўны працэс не за журналісцкую дзейнасць, а за каментар у выданні навінаў тэлеканалу.
Сёння каталікі святкуюць Вербную нядзелю.
Паглядзіце наш фотарэпартаж з Чырвонага касцёлу ў Менску.
Але вы толькі паглядзіце на гэта хараство і гумар!
МГМ, belsat.eu
