МУС Беларусі рапартуе, што «дэстабілізацыі абстаноўкі ў краіне падчас рэферэндуму не дапушчана». Міліцыянты паведамляюць, што «забяспечылі парадак у краіне».
Міліцыя сцвярджае, што масавых акцыяў падчас так званага рэферэндуму ў Беларусі не адбылося. Але нягледзячы на такія фармулёўкі завялі крымінальную справу паводле арт. 342 КК («Арганізацыя і рыхтаванне дзеянняў, якія груба парушаюць грамадскі парадак, або актыўны ўдзел у іх»).
Нягледзячы на тое, што «масавых акцыяў не было», людзі ў форме схапілі па ўсёй краіне каля 800 асобаў. Мала таго, міліцыянты «зафіксавалі факты незаконнай падачы гукавых сігналаў і вядуць працу па ўстанаўленні такіх кіроўцаў».
РК belsat.eu