Мэр Чарнігава Уладзіслаў Атрошанка звярнуўся да жыхароў Гомля і да старшыні Гомельскага гарвыканкаму Пятра Кірычэнкі – нарадзінца Данецкай вобласці і этнічнага ўкраінца. Заклікаў не дапусціць таго, каб беларусы ўдзельнічалі ў чужой для іх вайне.
«Я звяртаюся са свайго разбамбаванага кабінету ў разбамбаванай Іскандэрам мэрыі, які быў выпушчаны з тэрыторыі Беларусі… Горад знішчаецца. Я дашлю вам відэа, паглядзіце, ува што ператварыла расейскае войска горад Чарнігаў. Ці маеце вы гэтую інфармацыю?»– пытаецца ў звароце Уладзіслаў Атрошанка.
«Я ведаю, што цяпер з вашых дзяцей будуць камплектавацца атрады рэгулярнага войску, якія пойдуць на Украіну І пры ўсёй павазе да вас, мы будзем бараніць сваю зямлю. Вы не ўяўляеце настрою людзей, якія ўзялі ў рукі зброю і запальныя сумесі»
«І калі вашыя дзеці прыйдуць на тэрыторыю Украіны – яны будуць гарэць жыўцом у танках і БТР-ах», – папярэдзіў Атрошанка.
Заклікаў свайго калегу і ўсіх гамельчукоў, зрабіць усё, каб гэтага не здарылася.
ЗК belsat.eu
