Удзельнікі гурта «Разбітае сэрца пацана» выйшлі на волю ў Жодзіне пасля 15 содняў арышту. Іх затрымалі падчас музычнай вечарыны каля Смалявічаў 13 лютага, паведамляе «By_Culture».
Сёння вызваліліся тры музыкі: Дзяніс Тарасенка, Андрэй Восіпчык і Аляксандр Кавалёў. Чакаюць вызвалення і Паўла Гарадніцкага.
Адначасова з «РСП» затрымалі спявачку Валерыю Суравіцкую (Lear) і музычнага менеджара Улада Лепяшынскага, яны таксама выйшлі на волю.
Чакалі, што музыкаў выпусцяць а 20:30, згодна з пратаколам.
13 лютага на базе адпачынку «Агеньчык» у Сокале Смалявіцкага раёну амапаўцы затрымалі ўдзельнікаў і гледачоў канцэрту, агулам 59 асобаў.
За апошнія паўгода ўдзельнікі «РСП» не раз выказваліся пра тое, што адбываецца ў Беларусі пасля выбараў, і актыўна выступалі на дваровых канцэртах. Да 13 лютага выступы калектыву праходзілі без разгонаў.
МГМ belsat.eu