Міжнароднае аб’яднанне журналістаў-расследавальнікаў OCCRP прысудзіла званне «Карупцыянер года – 2021» Аляксандру Лукашэнку. Ён заслужыў такое званне за патуранне арганізаванай злачыннасці і карупцыі.
Лукашэнка быў абраны журы з рэкордных 1166 прэтэндэнтаў, намінаваных калегамі і чытачамі аб’яднання. Адзначаецца, што ўпершыню «Карупцыянера года» абралі аднагалосна.
«У плане карупцыі гэта быў выдатны год, але Лукашэнка ўсіх перасягнуў», – пракаментаваў рашэнне каардынатар журы, сузаснавальнік OCCRP Дру Саліван.
Сярод асноўных «дасягненняў» Лукашэнкі за апошні год адзначылі:
- арганізацыя патокаў дзяржаўных сродкаў алігархам, блізкім яго сям’і;
- загад перахапіць і пасадзіць у Менску пасажырскі самалёт Ryanair у парушэнне міжнароднага паветранага права;
- арганізацыя міграцыйнага крызісу, накіраваўшы тысячы бежанцаў да мяжы Беларусі з Еўразвязам;
- распаўсюджванне дэзынфармацыі аб каронавірусе і метадах лячэння.
Таксама фіналістамі «Карупцыянер года» сталі экс-прэзідэнт Афганістану Ашраф Гані, прэзідэнт Сірыі Башар Асад, прэзідэнт Турцыі Рэджэп Тайіп Эрдаган, былы канцлер Аўстрыі Себасцьян Курц.
АД, belsat.eu
