Улады Гватэмалы пазбавілі віду на жыхарства грамадзянку Беларусі Ірыну Літвінюк і грамадзяніна Расеі Дзмітрыя Кудракова, якія трапілі пад санкцыі ЗША.
«Гватэмальскі інстытут міграцыі праінфармаваў Нацыянальнае ўпраўленне па міграцыі аб непрымальнасці знаходжання гэтых асоб і прыпыненні дзеяння віду на спадара Дзмітрыя Кудракова і спадарыні Ірыны Літвінюк», – гаворыцца ў паведамленні гватэмальскіх уладаў.
Пры гэтым адзначаецца, што Кудракоў і Літвінюк пакінулі тэрыторыю краіну.
18 лістапада Мінфін ЗША увёў санкцыі супраць Літвінюк, Кудракова і трох кампаній, звязаных з карупцыйнымі схемамі ў Гватэмале: Compania Guatemalteca de Niquel, Compania Procesadora de Niquel і Mayaniquel, даччыныя структуры інвестыцыйнай групы Solway.
У Мінфіне ЗША адзначылі, што Кудракоў і Літвінюк «некалькі гадоў кіравалі шматлікімі карупцыйнымі схемамі з удзелам палітыкаў, суддзяў і дзяржслужачых». Беларуска пры гэтым «здзяйсняла карупцыйныя дзеянні ў падтрымку расейскіх схем уплыву, незаконна перадаючы наяўныя дзяржаўным службоўцам у абмен на падтрымку інтарэсаў Расеі ў горнай здабычы».
Якуб Хруст belsat.eu