Прэзідэнт Нямеччыны Франк-Вальтэр Штайнмаер, уручыў Ангеле Меркель апавяшчэнне аб заканчэнні яе паўнамоцтваў на пасадзе федэральнага канцлера. Пра гэта паведамляе выданне Süddeutsche Zeitung.
Штайнмаер таксама ўручыў апавяшчэнні аб заканчэнні паўнамоцтваў віцэ-канцлеру Оляфу Шольцу, міністрам урада Меркель і міністру ведамства канцлера ФРГ Хельге Брауну.
Ён высока ацаніў уклад Меркель і назваў яе канцлерства адным з найвялікшых у гісторыі, ахарактарызаваўшы яе як «фармуючую аснову для нашай уз’яднанай краіны і іміджу нашай краіны ў свеце, якая фармуе цэлае пакаленне маладых жанчын і мужчын, для якіх яна стала прыкладам новай, вельмі ўнікальнай формы лідарства».
Меркель кіравала ўрадам краіны 16 гадоў.
Палітык упершыню была абрана на пасаду канцлера ў лістападзе 2005 года. З таго часу яна нязменна займала пасаду кіраўніка нямецкага ўрада, а ў 2018-м заявіла аб сыходзе з палітыкі пасля заканчэння чацвёртага тэрміну.
Аднак урад Меркель будзе весці афіцыйныя справы да таго часу, пакуль новы кабінет не будзе прызначаны і не прыведзены да прысягі. Згодна з бягучымі планамі, гэта павінна адбыцца ў пачатку снежня. Гэта азначае, што ў Нямеччыне ва ўладзе каля шасці тыдняў будзе часовы ўрад.
Перамогу на выбарах 26 верасня ў новы склад Бундэстагу атрымалі сацыял-дэмакраты на чале з Оляфам Шольцам. Яны набралі амаль 26 % галасоў.
АД, belsat.eu